Шымкентте бір адамнан Конго-Қырым безгегі анықталды

Сурет: Zakon.kz

Шымкентте ауруханаға жеткізілген 40 жастағы ер адамнан Конго-Қырым қанды безгегі анықталды. Қазығұрт ауданында мал баққан ер адамды кене шаққаны белгілі болды. Қызуы көтерілген одан қан кету және құсу белгілері байқалған, деп хабарлайды Zakon.kz.

Қалалық Санитарлық-эпидемиологиялық бақылау департаментінің өкілдеріне сілтеме жасай отырып, "Хабар 24" науқаспен қарым-қатынаста болған 21 адам оқшауланып, дәрігерлердің бақылауына алынғанын нақтылайды.

Қазір барлығының жағдайы қалыпты, өміріне қауіп төніп тұрған жоқ, - дейді мамандар. Жалпы биыл шаһарда 608 адамды кене шағып, медициналық көмекке жүгінген.

"Қалалық жұқпалы аурулар ауруханасының дәрігер инфекционист мамандарымен Конго-Қырым қанды геморрагиялық қызбасы расталған жағдай ауыр дәрежелі диагнозы қойылған. Қарым-қатынаста болған барлық отбасы мүшелері, қаралған медициналық мекемедегі қызметкерлер барлығы 14 күндік медициналық бақылауға алынды". Шымкент қалалық Санитарлық-эпидемиологиялық бақылау департаменті бөлімінің бас маманы Азамат Тасболтаев

Оқи отырыңыз