СІМ Болгарияда қазақстандық жасөспірімнің соққыға жығылуына қатысты түсініктеме берді

Болгария, СІМ, қазақстандық жасөспірімнің соққыға жығылуы, сурет - Zakon.kz жаңалық 28.08.2023 18:04

Сурет: pixabay

ҚР СІМ ресми өкілі Айбек Смадияров болгар жаттықтырушысының қазақстандық баланы ұрып-соққаны туралы желіде тараған ақпаратқа қатысты түсініктеме берді. Ол тараптар бір-біріне шағымданудан бас тартқанын нақтылады, деп хабарлайды Zakon.kz.

Оқыс оқиға бірнеше қазақстандық команда да болған жасөспірімдер арасындағы чемпионат кезінде болған. Олар бұл туралы СІМ мен елшілікті құлағдар еткен емес.

"Кез-келген спорттық матч кезінде болатын, әдеттегі жанжал (...). Біздің дипломаттар жағдайға араласып, оқиға орнына жергілікті полиция да болды. Тараптар өз түсініктемелерін беріп, талаптардың бір-біріне шағымдары болмауына байланысты тәртіпті сақтау туралы хаттамаға қол қойды. Яғни, тараптар бір-біріне қатысты шағымдардан бас тартты және мәселе татуласу арқылы шешілді. Ешкім арыз жазған жоқ. Мен жаттықтырушымен және ата-аналармен де сөйлестім, олар аман-есен, 26 тамызда елге келіп те алды". Айбек Смадияров

Бірақ Қазақстан елшілігі мән-жайларды анықтау және кінәлілерді жауапқа тарту үшін Болгария СІМ-не және қала полициясына өтініш жолдаған. Сондай-ақ, турнир аяқталғанға дейін қазақстандық қатысушылардың қауіпсіздігін қамтамасыз ету туралы қала әкімшілігімен және жергілікті полициямен уағдаластыққа қол жеткізілді.

Оқи отырыңыз