Желіде қару ұстап тұрған жігіттің видеосы тарады: тәртіп сақшылары азаматты тапты

Әлеуметтік желілерге мониторинг жүргізу барысында белгісіз ер адамның қолына қару тәрізді зат ұстап тұрған видеосы анықталды.

Бұл бейнежазбаны Түркістан облысының полицейлері бірден назарға алып, жедел шаралар қабылдады. Бұл туралы Ішкі істер министрлігі хабарлады.

"Бейнежазбадағы жас жігіт Сайрам ауданының 22 жастағы тұрғыны болып шықты. Ал оның қолындағы пейнтбол ойнауға арналған автомат екені анықталды", - делінген хабарламада.

Тәртіп сақшылары жас жігітпен түсіндіру жұмысын жүргізді.