Ұлттық қауіпсіздік комитеті есірткі заттарын Қазақстанға контрабандалау арнасының жолын кесті

ҰҚК, есірткі, контрабанда, сурет - Zakon.kz жаңалық 05.09.2023 14:17

Сурет: ҚР ҰҚК баспасөз қызметі

Ұлттық қауіпсіздік комитеті Каспий акваториясы арқылы таяу шығыс өңірінен есірткі заттарын Қазақстанға контрабандалау арнасының жолын кесті. Бұл жөнінде Zakon.kz желілік басылымына ҚР ҰҚК баспасөз қызметі хабарлады.

Ведомство арнайы операция 3 қыркүйекте өткенін мәлімдеді.

"Маңғыстау облысында есірткі мәмілесін жасау барысында адамдар тобы ұсталды, олардың қатарында Мемлекеттік шекарадан шағын өлшемді жүрдек катерлермен заңсыз өткен шетел азаматтары да бар".ҚР ҰҚК баспасөз қызметі

15 кг апиын, 20 кг гашиш, 50 қорап "трамадол" апиынды анальгетигі, сондай-ақ навигация және техникалық байланыс құралдары тәркіленді.

ҚР ҰҚК, контрабанда, сурет - Zakon.kz жаңалық 05.09.2023 14:17

Сурет: ҚР ҰҚК баспаөз қызметі

Бұл факт бойынша Қылмыстық кодекстің 297-бабы 3-бөлігі ("Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу") бойынша сотқа дейінгі тергеп-тексеру жүргізіліп жатыр.

Қылмыстық-процессуалдық кодексінің 201-бабына сәйкес өзге ақпараттар жария етуге жатпайды.

Оқи отырыңыз