Батыс Қазақстан облысындағы атыс: полицейлер күдіктіні ұстады
Сурет: pixabay
Полицейлер Батыс Қазақстан облысындағы Аралтөбе ауылының тұрғындарын атыс қаруымен жарақаттаған күдіктіні ұстады, деп хабарлайды Zakon.kz.
БҚО полиция департаментінің баспасөз қызметінің мәлімдесі бойынша, 5 қыркүйекте мас күйдегі шаруа қожалығының басшысы мен ауыл тұрғындарының бірінің арасында жанжал туып, арты төбелеске ұласқан. Сол сәтте қожалық басшысы өзінің Lexus автокөлігінен әйелінің атына тіркелген аңшы мылтығын алып, бірнеше рет қарсыласына оқ атқан.
Салдарынан ауыл тұрғынының сол жақ жанбасы мен аяғы жарақаттанған. Оқ 59 жастағы әйел мен оның кішкентай немересін де жарақаттаған. Аса ауыр қылмыс жасағаннан кейін күдікті оқиға орнынан автокөлігімен бой тасалаған.
"Сол күні адам өлтіруге оқталу фактісі бойынша ҚК-нің 24-бабының 3-бөлігінің, 99-бабының 1-бөлігіне сәйкес сотқа дейінгі тергеп-тексеру басталды. Полиция департаменті өңірдің барлық жеке құрамына бағдар берді. Нәтижесінде полиция қызметкерлері күдіктіні ұстап, уақытша ұстау изоляторына қамауға алды. Қылмыс құралы тәркіленіп, қылмыстық іс материалдарына тіркелді", – деді БҚО ПД бастығы Арман Оразалиев.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
