Қазақстанда есірткі қылмысын кәмелетке толмағандар да жиі жасайды

Қазақстанда есірткі қылмысын кәмелетке толмағандар жиі жасайды, сурет - Zakon.kz жаңалық 02.10.2023 13:58

Сурет: ҚР МКК

Ішкі істер министрлігінің ресми өкілі Шұғыла Тұрлыбек Қазақстанда қанша бала мен жасөспірімнің есірткі бизнесіне қатысы бар екенін айтты, деп хабарлайды Zakon.kz.

Шұғыла Тұрлыбек 2020 жылы Қазақстанда кәмелетке толмағандар 15 есірткі қылмысын жасағанын мәлімдеді. Оның бесеуі сатқан. 2021 жылы 26 факті анықталса, сатқандар саны 10-ға дейін өсті. 2022 жылы кәмелетке толмағандардың есірткі сату фактілері бұдан да артқан.

"2022 жылы кәмелетке толмағандар есірткіге қатысты 25 қылмыс жасады. Оның жартысының (12 факт) есірткі сатуға қатысы бар. Биыл алғашқы жартыжылдықта кәмелетке толмаған 29 жеткіншек қылмыстық процеске тартылды. Оның 13-і колледж студенттері, үшеуі университетте оқиды және алтауы мектеп оқушысы", - деді Шұғыла Тұрлыбек.

14 наурызда Ішкі істер министрлігі Қазақстанда нашақорларды ерте анықтау үшін скрининг енгізілуі мүмкін екенін хабарлады.

20 қыркүйекте депутат Динара Шүкіжанова синтетикалық есірткінің қолжетімді болуы Қазақстанда жасөспірімдер арасында нашақорлықтың тез таралуына әкеліп соқтыратынын айтты.

Оқи отырыңыз