Есік қаласының әкімі пара алғанын мойындады

Алматы облысы Есік қаласы, парақорлық, Антикор, пара, сурет - Zakon.kz жаңалық 11.10.2023 15:21

Сурет: ҚР Сыбайлас жемқорлыққа қарсы іс-қимыл агенттігі

Сыбайлас жемқорлыққа қарсы іс-қимыл агенттігі Алматы облысы Есік қаласының әкімі пара алды деп күдікке ілінгенін мәлімдеді, деп хабарлайды Zakon.kz.

Агенттіктің баспасөз қызметінің 11 қазан күні мәлімдеуінше, Алматы облысы Есік қаласының әкімі әшкереленді.

"Ол қаланың ойын алаңын абаттандыру жөніндегі жұмыстарды мемлекеттік сатып алу шарты бойынша бюджет қаражатын кедергісіз төлегені үшін жеке компания өкілінен ірі мөлшерде пара алды деп күдіктелуде. Күдікті кінәні толығымен мойындады".Сыбайлас жемқорлыққа қарсы іс-қимыл агенттігінің баспасөз қызметі

Ведомство сотқа дейінгі тергеу жүріп жатқанын атап өтті.

Қылмыстық-процестік кодексінің 201-бабына сәйкес өзге ақпарат жария етуге жатпайды.

"Егер Сіз жемқорлық фактілеріне тап болсаңыз, @antikorkz_bot Telegram-боты немесе 1424 нөмірі арқылы шұғыл хабарлаңыз", – делінген Сыбайлас жемқорлыққа қарсы іс-қимыл агенттігі таратқан хабарламада.

Оқи отырыңыз