"Бәйтерек" холдингі Digital Bridge 2023-те: цифрлы трансформацияның жаңа көкжиегі
Сурет: "Бәйтерек" холдингі
Форум барысында холдинг Bgov.kz – бизнесті қолдаудың бірыңғай порталын көрсетті. Келушілерге Bgov.kz сайтының негізгі артықшылығы, оның жұмыс істеу принциптері, соның ішінде бір сайттан холдингтік компаниялар тобы ұсынатын бизнесті мемлекеттік қолдаудың қолайлы шарасын оңай табу және таңдау жолдары туралы айтылды.
Сонымен қатар холдинг компаниялар тобының өнімдері мен қызметтерін таңдауда, кеңес беруде, жаңалықтар жүргізушісі Амалияны жасанды интеллект ретінде қолдану мүмкіндіктері көрсетілді. Амалияның сыртқы түрі, дауысты танып, сөйлеуі түрлі нейрон желілері арқылы жасалған және ChatGPT қызметтері арқылы келушілердің сұрақтарына жауаптарды таңдау алгоритмі әзірленген. Холдингтің өз қызметі үшін осылай ЖИ қолдануы жоғарыда Астана IT университетімен тығыз ынтымақтастықтың арқасында мүмкін болды.
Сонымен қатар форумға холдингтің еншілес компаниялары да белсенді қатысты. Еске салайық, бұған дейін "Даму" кәсіпкерлікті дамыту қоры" АҚ онлайн.damu.kz порталы арқылы мемлекет басшысына несиелерді субсидиялау және кепілдендіру құралы бойынша мемлекеттік қолдау шараларын цифрландыруды көрсеткен еді. Мемлекеттік қолдау шараларының цифрлық үдерісінің арқасында, субсидиялар мен кепілдіктерді алуға өтінішті қарау мерзімі 21 жұмыс күнінен 3 жұмыс күніне дейін, ал микро және шағын кәсіпкерлікті қолдау бағдарламасы аясында бір күнге дейін қысқарды.
"Қазақстан тұрғын үй компаниясы" АҚ да Еуразиялық банкпен бірге өзінің цифрлық өнімін ұсынды. Сонымен қатар холдингтің еншілес ұйымы Bereke Bank Digital Bridge 2023 демеушілерінің бірі болды және криптоәмиянды толықтыруға арналған жаңа өнімі B-bank мобильді қолданбасын көрсетті. Банк өз клиенттеріне ыңғайлы болу үшін технологияға және цифрлық қызмет көрсетуді дамытуға ерекше көңіл бөледі.
Көрменің соңғы күні "Көпір салу: инновациялар үшін мүдделі тараптар серіктестігіне терең үңілу" тақырыбында панельдік сессия өтті. Онда сарапшылар GovTech даму тенденциялары мен мемлекеттік қызметтердегі инновациялар үшін серіктестікті ынталандыру жолдарын талқылады. Сессияны "Бәйтерек" АҚ басқарма төрағасының орынбасары Үсен Ғалым жүргізді.
Іс-шараға Цифрлық үкімет кеңсесінің және БҰҰ Экономикалық және әлеуметтік мәселелер департаментінің басшысы Винченцо Акуаро, АКТ және апаттар қаупін азайту бөлімінің директоры Тициана Бонапаче және жетекші қаржы институттары мен корпорация өкілдері қатысты.
Сурет: "Бәйтерек" холдингі
"Бәйтерек" холдингінің цифрлық трансформация үшін белсенді жұмыс істеп жатқанын атап өткен жөн. Мемлекет басшысы Қ.К. Тоқаев 1 қыркүйектегі "Әділетті Қазақстанның экономикалық бағдары" атты және Қазақстан халқына Жолдауында басқалармен қатар, холдингтің жұмыс тиімділігін арттыру мақсатында ауқымды цифрландыруды жүзеге асыру міндетін қойды.
Сурет: "Бәйтерек" холдингі
Холдингке жүктелген міндеттерді ескере отырып, "Бәйтерек" ҰБХ" АҚ 2024-2033 жылдарға арналған Даму жоспарының мақсаттарына қол жеткізу үшін компания цифрландырудың жаңа стратегиясын әзірлеп жатыр. Цифрландыру стратегиясы бірқатар оң нәтижеге жеткізеді. Оған бизнесті қолдауға кешенді көзқарас, өтінішті қарау уақытын қысқарту, холдинг өнімдері мен қызметтерін қамтуды кеңейту, процестердің өнімділігін реинжиниринг арқылы арттыру, мемлекеттік деректер базасымен терең интеграция, BigData-мен жұмыс істеу және ЖИ элементтерін енгізу кіреді.
