Костенко шахтасында қаза болған соңғы адамның денесі сыртқа шығарылды
Сурет: pxfuel
Қарағанды облысындағы Костенко атындағы шахтада қаза тапқан 46-жұмысшының денесі 6 қараша күні кешке жердің бетіне шығарылды. Бұл жөнінде Zakon.kz сайтына облыс әкімдігінің баспасөз қызметі хабарлады.
Әкімдіктің 7 қараша күні хабарлауынша, қаза тапқан кеншілердің соңғысының сүйегі 6 қараша күні сағат 20:00 шамасында табылып, жер бетіне шығарылды. Қажетті сараптамалар жүргізілді.
"Іздестіру жұмыстарына "Кәсіби әскерилендірілген авариялық-құтқару қызметі республикалық орталық штабы" ЖШС Қарағанды филиалының тау-кен құтқарушылары жұмылдырылды, іздеу жұмыстары күні-түні жүргізілді", – деп хабарлады Қарағанды облысы әкімдігінің баспасөз қызметі.
Шахтада қаза болған 46-кенші Александр Валерьевич Прокудин екені белгілі болды.
Костенко атындағы шахтада қаза тапқан соңғы адамның мәйіті табылғаны жөнінде ақпарат БАҚ-та 30 қазанда жарияланды. Бірақ ол ақпарат ресми расталмаған еді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
