Жезқазғанның тұрғынынан марихуана мен қару тәркіленді

Жезқазған қаласының тұрғынынан 6 келіге жуық марихуана тәркіленді, деп хабарлайды Zakon.kz Polisia.kz-ке сілтеме жасап.

"Құқықтық тәртіп" жедел профилактикалық іс-шарасы аясында Ұйымдасқан қылмысқа қарсы күрес басқармасының қызметкерлері Жезқазған қаласының 30 жастағы тұрғынын ұстады.

Күдіктінің үйін тінтігенде тұратын жерінен шамамен 6 келі кептірілген марихуана тәркіленді. Сонымен қатар тіркелмеген тегіс ұңғылы атыс қаруы, бес оқ, кастет тәркіленді.

"Күдікті уақытша ұстау изоляторына қамалды. ҚР ҚК 287, 297-баптары бойынша сотқа дейінгі тергеу жүргізіліп жатыр", - делінген ҚР СІМ хабарламасында.