Оралда қолайсыз ауа райына байланысты бірнеше рейс тоқтатылды

Оралда үздіксіз жауған қар мен қатты желге байланысты Air Astana рейстерін тоқтатуға мәжбүр болды, деп хабарлайды Zakon.kz.

Air Astana әуе компаниясының мәліметінше, Орал – Франкфурт – Орал және Орал – Астана бағыттары бойынша авиарейстер, сондай-ақ Алматыдан Оралға және кері рейстер тоқтатылды.

Әуе компания аталған рейстердің жолаушыларына тамақ, тегін брондау немесе билетті қайтару ұсынылғанын атап өтті. Орал – Астана рейсінің жолаушыларына тұратын орын, тамақ және трансфер берілді.

"Air Astana компаниясы рейстердің кешігуі туралы ақпарат алу үшін жедел желі: [phone] арқылы хабарласуды сұрайды. Сондай-ақ әуе компанияның ресми сайтында рейстердің мәртебесін тексеруге болады", делінген хабарламада.

Айта кетсек, 24 қарашада еліміздің 15 өңірінде қолайсыз ауа райына байланысты дауылды ескерту жарияланды.