Орал әуежайында қолайсыз ауа райына байланысты бірнеше рейс тоқтатылды

Қолайсыз ауа райына байланысты FlyArystan әуе компаниясы төрт рейсті тоқтатқанын мәлімдеді, деп хабарлайды Zakon.kz.

Компаниядағылар нақтылап өткендей, қатты желге байланысты Орал қаласы әуежайында келесі рейстер тоқтатылды:

• KС7265 Ақтау-Орал,
• КС7266 Орал-Ақтау,
• KС7165 Алматы-Орал,
• КС7166 Орал-Алматы.

"Барлық жолаушыға бір реттік тегін қайта брондау немесе қолма-қол ақшаны толықтай қайтару мүмкіндігі ұсынылады", делінген хабарламада.

Бұған дейін Астанада және еліміздің 13 облысында 25 қарашада дауылды ескерту жарияланғаны хабарланған болатын.