Жаңалықтар тізбегі
0

Ұлытау облысында аурухананың екі есепшісі бюджет қаражатын миллиондап жымқырғаны үшін жазаға тартылды

Ұлытау облысы Жәйрем кентінің ауруханасы, жемқорлық, аурухана есепшісі Сурет: Zakon.kz
Ұлытау облысы Қаражал қаласының прокуратурасы Жәйрем кентінің ауруханасында бюджет қаражатын жымқыру фактілерін анықтады, деп хабарлайды Zakon.kz.

Облыстық прокуратурының мәліметінше, осы медициналық мекеменің Б және T есімді бухгалтерлері 2021-2022 жылдары ауруханада іс жүзінде жұмыс істемеген адамдарға 5,1 млн теңгені заңсыз аударған. Жымқырылған қаражатты бухгалтерлердің өзі иемденіп алған.

Бұл факт бойынша прокуратура Қылмыстық кодекстің 189-бабы (Сенiп тапсырылған бөтен мүлiктi иемденiп алу немесе талан-таражға салу) бойынша сотқа дейінгі тергеп-тексеру жүргізген.

"Қаражал қалалық сотының үкімімен Жәйрем кенті ауруханасының бухгалтерлері кінәлі деп танылып, оларға 2 жыл және 3 жыл 6 ай мерзімге бас бостандығын шектеу түріндегі жазалар тағайындалды".Ұлытау облысы прокуратурасының баспасөз қызметі

Үкім заңды күшіне енді.

Қазіргі уақытта атқарушылық іс жүргізу қозғалып, мемлекетке келтірілген залалды өтеу бойынша шаралар қабылданып жатыр.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: