Түркістандық тәртіп сақшысы қар борап жатқан жол үстінен жүргізушілерге видео үндеу жолдады

Полицей, видео үндеу, Алматы-Ташкент-Термез тас жолы, сурет - Zakon.kz жаңалық 13.12.2023 20:35

Сурет: видеодан алынды

Боран мен қатты аязға байланысты Түркістан облысында 10 тас жол жабылды. Соның бірі - Алматы-Ташкент-Термез тас жолы үстінен түсірілген видео желіде жарияланды, деп хабарлайды Zakon.kz.

"12 желтоқсан. "Алматы-Ташкент-Термез" тас жолы, Түлкібас ауданы. Тараз-Алматы бағытына қарай жол жабық. Жолға шықпаңыздар! Өздеріңіз көріп тұрғандай, боран соғып, қар ұшқындап жатыр, айналаның көріну деңгейі - 0", - дейді видеодағы полицей.

Айта кетсек, Түлкібас ауданынан кесіп өтетін Шымкент – Тараз бағытындағы Алматы – Ташкент – Термез автожолының 601-шақырымындағы Шақпақ ауылының маңы мен осы автожолдың 654-шақырымындағы Машат асуы полицейлермен жабылып, екі блокбекет қойылды.

Сондай-ақ Бәйдібек ауданындағы облыстық маңызы бар Шаян – Ағыбет, Шаян – Ақбастау, Шаян – Мыңбұлақ, Шаян – Бірлік – Кеңестөбе автожолдары жабылып, қосымша төрт блокбекет қойылды.

Тәртіп сақшылары боран соғып, жолдың көруі нашарлауына байланысты адасып кеткен және автокөліктің қозғалуына мүмкіндік болмай жолда тұрып қалған жолаушыларды құтқаруда.

Оқи отырыңыз