Жамбылдағы Қордай асуында 30 миллион теңге тұратын тауары бар жүк көлігі өртеніп кетті

Жамбыл облысындағы Қордай асуында жүк тиелген жүк көлігі толығымен өртеніп кетті. Өртті сөндіруге бір сағаттан астам уақыт кетті, деп хабарлайды Zakon.kz.

Оқиға куәгерінің Zakon.kz-ке айтуынша, 13 желтоқсанда Жамбыл облысындағы Қордай асуында "ГАЗель" жүк көлігі өртеніп кеткен. Өрт салдарынан шамамен 30 миллион теңге тұратын тауар толығымен жанып кеткен.

Өрт туралы ақпаратты Жамбыл облысының Төтенше жағдайлар департаменті растады. Ведомствоның мәліметінше, өрт туралы хабар сағат 14:18-де түскен.

"Қордай ауданында "Алматы-Бішкек" тас жолының 170-шақырымында 2019 жылғы "ГАЗель" автокөлігінің өртенгені туралы хабарлама келіп түсті. Оқиға орнына дереу Төтенше жағдайлар қызметінің күштері мен құралдары (бір техника мен екі адам) шықты. Өрт 15:30-да сөндірілді", - деп хабарлады облыстық ТЖД.

Қаза тапқандар мен зардап шеккендер жоқ. Төтенше жағдайлар қызметі өрттің шығу себебін анықтап жатыр.