49 миллионға алдап кетті: Атырауда QazHome қаржы пирамидасын құрған адамдарға үкім шықты
Сурет: Zakon.kz
Атырауда QazHome тұтыну кооперативінің атын жамылып қаржы пирамидасын ұйымдастырған қала тұрғындары бас бостандығынан айырылды. Бұл жөнінде 2023 жылғы 20 желтоқсан күні Қаржылық мониторинг агенттігі мәлім етті, деп хабарлайды Zakon.kz.
Агенттіктің мәліметінше, ұйымдастырушылар азаматтарға жылжымайтын мүлік береміз деген желеумен қаржы пирамидасына ақша салуды ұсынған.
"Сотқа дейінгі тергеп-тексеру барысында кооперативтің қызметіне 300-ге жуық салымшы тартылған, оның ішінде тек 35 адам ғана өтініш беріп, бұл өтініштер бойынша келтірілген шығын көлемі 49 млн теңгеден асатыны анықталды".ҚР ҚМА баспасөз қызметі
Сот үкімімен QazHome тұтыну кооперативінің басшылары кінәлі деп танылып, әрқайсысы 6 жылға бас бостандығынан айырылды.
Осы орайда Қаржылық мониторинг агенттігі қаражатты инвестициялау кезінде абай болуға шақырды.
Қаражатты инвестициялау кезінде компанияның сенімділігін тексеру қажет. Осы мақсатта Baiqa, piramida! телеграм боты жұмыс істейді. Сонымен қатар ҚМА сайтында қаржылық пирамидалардың тізімі жарияланды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
