Антикор Туризм және спорт министрлігін тексере бастады

Сурет: Zakon.kz

Сыбайлас жемқорлыққа қарсы іс-қимыл агенттігі спорт саласындағы жемқорлық тәуекелдеріне сыртқы талдау жүргізетінін мәлім етті, деп хабарлайды Zakon.kz.

Ведомствоның 2023 жылғы 21 желтоқсан күні мәлімдеуінше, Туризм және спорт министрлігінің, оның ішінде оның ведомстволық бағынысты ұйымдарының спортты қаржыландыру мәселелері жөніндегі қызметіне талдау жасалады.

"Бұдан басқа, спорттық іс-шараларды, жиындарды, жабдықтарды, спорттық тамақтануды сатып алуды, шетелдік іссапарларды ұйымдастыруды, сыйақыларды, спорт объектілерін салуды, сондай-ақ спорт федерациялары мен кәсіби клубтарды ұстауды қамтамасыз ететін бюджеттік және бюджеттен тыс көздер зерделенеді".Сыбайлас жемқорлыққа қарсы іс-қимыл агенттігінің баспасөз қызметі

Талдау жүргізуге мүдделі мемлекеттік органдардың қызметкерлері және азаматтық қоғам өкілдері тартылмақ.

Сыбайлас жемқорлыққа қарсы қызмет азаматтарды талдау жүргізуге қатысуға шақырды.

"Егер сізде жемқорлық тәуекелдері туралы ақпарат болса немесе спортты қаржыландыру саласын жетілдіру бойынша ұсыныстарыңыз болса, оларды электрондық поштаға жіберуіңізді сұраймыз karipova.a@antikor.gov.kz", –делінген хабарламада.