Астана тұрғындары отшашудың отының астында қалды

Сурет: Zakon.kz

Әлеуметтік желіде Астана тұрғындарының отшашу отының астында қалғаны түсірілген видео пайда болды, деп хабарлайды Zakon.kz.

Полицейлер бұл видеоға қатысты пікір білдірді.

"Аталмыш факті тексеріліп, елдi мекенде белгiленбеген жерлерде пиротехника бұйымдарын пайдаланған тұлға анықталды", - деп хабарлады Астана полиция департаментiнiң баспасөз қызметi.

Құқық бұзушыға қатысты ӘҚБтК-нің 436-бабының 2-бөлігімен әкімшілік іс қозғалды.

"Жиналған материал қарау және шешім қабылдау үшін әкімшілік құқық бұзушылық істері жөніндегі мамандандырылған ауданаралық сотқа жіберілді", - делінген хабарламада.