Қазақстандықтар блогер Сәрсенбаевқа Экология министрлігі салған айыппұлды бір сағатта жинап берді
Сурет: Zakon.kz
Ол айыппұлдың 45 945 теңге екенін түсіндіріп, оқырманына өтініш айтты. Сәрсенбаев әр жазылушы оған осы айыппұлды жабуға көмектесуіне краудфандинг жариялады. Мақсаты – кейінірек блогер "қорғаушыларға "Сіз салған айыппұлды мен сияқты еліміздің қарапайым тұрғындары өз еркімен жауып тастады" деп айта алады.
Бір сағат өтпей-ақ блогер жазылушыларына алғысын білдірген жаңа жазбасын жариялады.
"Халық Орман шаруашылығы және жануарлар дүниесі комитеті салған айыппұлды жауып тастады. Достар, тілектеріңіз бен жылы лебіздеріңізге көп рақмет. Бір сағатта 100-ден астам адам маған 500 теңгеден жіберді", - деп жазды Азамат Сәрсенбаев.
Блогер бұл сәтті өзі үшін үлкен жауапкершілік деп атады.
"Барлығыңызды шын жүректен құшақтадым", - деп түйіндеді Азамат Сәрсенбаев.
18 сағат бұрын блогер жергілікті экологтар "Қаракөл көлінде аққулар мен қоқиқаздардың жаппай қырылуына оның дроны кінәлі" деген қорытындыға келгенін хабарлады. Сәрсенбаев экологтардың мұндай мәлімдемесіне қатты таңғалғанын айтты.
11 желтоқсанда Азамат Сәрсенбаев Қаражанбас ауданында қарға батып қалған қоқиқаз балапанын түсірген. Блогер жай қарап өтпей, құсты үйіне алып кеткен. Бірақ содан кейін ол бұл жағдайдың жағымсыз салдарын айтты: жергілікті қоршаған ортаны қорғау мекемесі қоғам белсендісін айыппұлмен қорқытқан.
21 желтоқсанда Қаракөл көлінен Үстірт мемлекеттік табиғи резерватының қызметкерлері 30 мылқау аққудың (Қазақстанның Қызыл кітабына енбеген) өлексесін тапты. Бірнеше күннен кейін мамандар құстардың құс тұмауынан өлгенін айтты.
2024 жылдың 1 қаңтарында Азамат Сәрсенбаев өлген құстардың ресми деректерден әлдеқайда көп екенін мәлімдеді.
2 қаңтарда Маңғыстау облысының экология департаменті Қаракөл көлінде 227 аққудың өлгенін растады. Зерттеу нәтижесі бойынша өлген аққулардан құс тұмауының вирусы анықталған.
