Ақмола облысында есірткінің ірі партиясын тасымалдаған күдікті ұсталды
Сурет: polisia.kz
Сақшылар Көкшетауда бір келі гашиш тәркіледі.
Тыйым салынған заттардың ірі партиясын тасымалдаған күдікті "Астана-Петропавл" тас жолында ұсталды. Есірткі қылмысына қарсы іс-қимыл бөлімшесінің қызметкерлері Mercedes-Benz маркалы автокөлікті тоқтатып, Көкшетауға есірткі заттарын өткізуге бара жатқан күдіктіні кісендеді.
Тінту кезінде жедел уәкілдер 45 жастағы жолаушыдан тыйым салынған заттар тауып, тәркіледі. Сараптама қорытындысы бойынша оның салмағы 905 грамм гашиш есірткісі екені дәлелденді.
Күдікті есірткіні елордада сатып алған және Ақмола облысының аумағында таратуды жоспарлаған. Есірткі сатушы "ескі әдіспен" әрекет еткен.
"Ол өнімді қолдан-қолға сатты, яғни, өзінің тұрақты клиенттері болды. Қазір полиция қылмыстық іс шеңберінде барлық мән-жайды нақтылап жатыр. Күдікті уақытша ұстау изоляторына қамалды", - делінген Polisia.kz хабарламасында.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
