Астанада ірі өрт ауыздықталды

Астанада ірі өрт сөндіріліп жатыр, сурет - Zakon.kz жаңалық 19.02.2024 10:16

Сурет: ҚР ТЖМ

Астанада бүгін, 2024 жылдың 19 ақпанында жиһаз цехы өртенді. ҚР Төтенше жағдайлар министрлігінің мәліметінше, алдын ала берілген аумақ 500 шаршы метрді құрайды, деп хабарлайды Zakon.kz.

Астана қаласы Төтенше жағдайлар департаментінің өрт сөндіру бөлімшелері 8:44 жағдай бойынша, Көктал (ангардағы өрт) көшесіндегіөртке қатысты қоңырауға ден қойды.

"Бірден елордалық өрт сөндірушілер тілсіз жауды ауыздықтауға кірісті. Оқиға орнында өрт сөндіру штабы құрылды. Алдын ала берілген аумақ 500 шаршы метрді құрайды", - делінген хабарламада.

Өртті сөндіруге жеке құрамның 54 адамы мен 12 бірлік апаттық-құтқару техникасы, сондай-ақ Апаттар медицинасы орталығының үш адамы мен техникасы жұмылдырылған.

2024 жылы 18 ақпан күні кешке Ақтөбеде он қабатты үйде өрт болды. Құтқарушылар өртеніп жатқан пәтерден сегіз адамды, оның ішінде екі баланы эвакуациялады.

Оқи отырыңыз