Атырауда ер адам автобус жүргізушісін соққыға жықты

Автобус, Атырау, автобус жүргізушісі, ұрып-соғу, сурет - Zakon.kz жаңалық 05.03.2024 18:42

Сурет: pixabay

Атырауда ер адам жол ақысын төлеуді сұраған жолаушылар автобусының жүргізушісіне шабуыл жасады, деп хабарлайды Zakon.kz.

AtyrauPress мәліметінше, оқыс оқиға 5 наурызда түстен кейін №22 қоғамдық көлікте болған.

"Белгісіз ер адам жол ақысын төлеуді талап еткен жүргізушіге жұдырық ала жүгірді. Абырой болғанда, автобус тоқтап тұрды, сондықтан қайғылы жағдай болмады", делінген хабарламада.

"СмартАтырау" КММ директоры Арслан Аронов төбелес кезінде автобус жүргізушісі жарақат алғанын жеткізді.

"Жүргізушінің беті, иегі, бір көзі ісіп кеткен. Бұзақы қашып кетті, бірақ полиция оны ұстады. Қол жұмсауға себеп - жүргізушінің одан жол ақысын төлеуді талап етуі. Соған ренжіп қалыпты, көрдіңіз бе? Өкінішке қарай, бізде көпшіліктің жартысы жол ақысын төлемейді. Сонымен қатар, ол валидаторды да шаққан. Енді оны жөндеп беруі керек", - деді Арслан Аронов.

Айта кетсек, 2023 жылы 22 желтоқсанда Алматыда жантүршігерлік жол апаты орын алды. Автобус жүргізушісісі - әйел адамды ер адам жұдырығымен талдырып тастаған. Автобус аялдамада тұрған бір топ адамды жапырып өтті. Оқиға орнында үш адам қаза тапты. Автобустың соқтығысуы салдарынан жеті адам зардап шекті.

Оқи отырыңыз