Қызылордада шұңқырға түсіп кеткен жылқы құтқарылды

23 наурызда Қызылорда қаласында құтқарушылар саяжай территориясындағы шұңқырға түсіп кеткен жылқыны құтқарды, деп хабарлайды Zakon.kz.

ҚР ТЖМ баспасөз қызметінің мәліметінше, оқыс оқиға Қызылорда қаласының "ПМК-29" саяжайындағы "Керуен" демалыс орны маңында болған. Құтқарушылар оқиға орнына шұғыл жетіп, арқанды пайдалана отырып, жылқыны шұңқырданн аман-есен алып шықты.

"Жылқы иесі құтқарушыларға алғысын білдірді. Бізге әрбір өмір маңызды!", делінген төтеншеліктер хабарламасында.