Атырау облысы әкімінің орынбасары: Қазіргі таңда Құлсарыдан 12 мыңға жуық адам эвакуацияланды

Атырау облысы әкімінің орынбасары, Құлсары, Жылыой ауданындағы жағдай туралы, сурет - Zakon.kz жаңалық 06.04.2024 10:45

Сурет: видеодан алынды

6 сәуірде Атырау облысы әкімінің орынбасары Қайрат Нұртаев Жылыой ауданындағы ахуалға байланысты соңғы мәліметтермен бөлісті, деп хабарлайды Zakon.kz.

Оның айтуынша, қазіргі таңда Құлсары қаласы бойынша 12 мыңға жуық адам эвакуацияланды, оның 5 мыңы - балалар.

"Олар Теңіз кенішіндегі вахталық қалашыққа, Атырау қаласына және Маңғыстау облысының Бейнеу ауданына орналастырылды. Бүгінгі таңда Құлсарыдағы төтенше жағдай бойынша Жем өзенінің арналарындағы су деңгейін төмендету және қала іші арқылы өтетін Құрсай каналын кеңейту жұмыстары жүргізіліп жатыр", - дейді Қайрат Нұртаев.

Сондай-ақ ол Құлсарыдағы су тасқыны салдарынан зардап шекккен тұрғындарға Үкіметтің әрі жергілікті атқарушы органдар тарапынан қажетті көмек берілетінін еске сала кетті.

Айта кетсек, қызыл су басқан Құлсары қаласынан адамдар жолаушылар пойызымен эвакуациялануда. Оларды Атыраудың теміржол вокзалынан көмек беруге ерік танытқан жергілікті тұрғындар күтіп алып, қажетті жеріне тегін тасымалдауда.

Оқи отырыңыз