Құлсарыдан 15 мың адам эвакуацияланды
![Эвакуация, Құлсары, Атырау, су тасқыны, сурет - Zakon.kz жаңалық 06.04.2024 15:46](https://kaz.zakon.kz/pbi/WEBP/2024-04-06/file-08372344-a2b1-412b-95b9-6068bb511bbf/400x225.webp)
ҚР ТЖМ-ның соңғы ұсынған мәліметтері бойынша Атырау облысы Жылыой ауданының Құлсары қаласынан Маңғыстау облысына 15 000-ға жуық адам, оның ішінде 5 500-ге жуық бала эвакуацияланды, деп хабарлайды Zakon.kz.
21 уақытша орналастыру пункттеріне 1641 адам, оның ішінде 741 бала жеткізілгені де нақтылынады. 12 000-нан астам адам туыстарының үйлеріне орналастырылды.
"Маңғыстау облысы ТЖД және ЖАО күштерімен сыйымдылығы 83 000-нан астам адамды құрайтын 201 халықты уақытша орналастыру пункттері дайындыққа келтірілді". ҚР ТЖМ баспасөз қызметі
Сурет: ҚР ТЖМ баспасөз қызметі
Құзырлы ведомство эвакуациялау жұмыстары әлі жалғасуда екенін нақтылайды.
![Эвакуация, Құлсары, Атырау, су тасқыны, сурет - Zakon.kz жаңалық 06.04.2024 15:46](https://kaz.zakon.kz/pbi/WEBP/2024-04-06/file-bef21d37-6550-4072-be82-66ef2a47c33b/800x450.webp)
Сурет: ҚР ТЖМ баспасөз қызметі
Сондай-ақ "Батыс" өңірлік қолбасшылығы 99116 әскери бөлімінің әскери қызметшілері Құлсары қаласының маңындағы Жем өзенінің атырабында жару жұмыстарын жүргізді.
"Оның нәтижесінде өзеннің өтімділігі артты", делінген Қорғаныс министрлігінің хабарламасында.
Айта кетсек, бүгін, 6 сәуірде Мемлекет басшысы Қасым-Жомарт Тоқаев Атырау облысының әкімі Серік Шәпкеновпен телефон арқылы сөйлескен болатын.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript