Мемлекет басшысы Матенадаран көне қолжазбалар институтына барды
![Мемлекет басшысы Матенадаран көне қолжазбалар институтына барды, сурет - Zakon.kz жаңалық 15.04.2024 15:31](https://kaz.zakon.kz/pbi/WEBP/2024-04-15/file-914a3cca-96ee-4d01-b0ae-ce1bf93fa054/400x225.webp)
Президент Қасым-Жомарт Тоқаев Арменияға ресми сапары аясында Ұлттық жиналыс төрағасы Ален Симонянмен бірге Месроп Маштоц атындағы Матенадаран көне қолжазбалар ғылыми-зерттеу институтына барды, деп хабарлайды Zakon.kz.
Бұл туралы 2024 жылдың 15 сәуірінде Ақорда мәлімдеді.
![Мемлекет басшысы Матенадаран көне қолжазбалар институтына барды, сурет - Zakon.kz жаңалық 15.04.2024 15:31](https://kaz.zakon.kz/pbi/WEBP/2024-04-15/file-84d62da7-351d-4ab4-b0bf-4ad617894f30/800x450.webp)
Сурет: akorda.kz
Мемлекет басшысы әлемдегі ең ірі қолжазбалар қорының бірі саналатын мекеменің жұмысымен танысып, көне мәтіндерді қарады. Сонымен қатар Қасым-Жомарт Тоқаевқа ғылыми-зерттеу институтында сақтаулы тұрған қыпшақ қолжазбалары көрсетілді.
![Мемлекет басшысы Матенадаран көне қолжазбалар институтына барды, сурет - Zakon.kz жаңалық 15.04.2024 15:31](https://kaz.zakon.kz/pbi/WEBP/2024-04-15/file-5a7fd434-2fdb-4d33-a2f1-7ff8a99865a8/800x527.webp)
Сурет: akorda.kz
Соңғы жылдары армян ғалымдарының көмегімен Матенадаран қорынан Орталық Азия және Қазақстан тарихына қатысты 40 көне еңбектің көшірмелері алынды. Биыл институт қыпшақ тіліндегі қолжазбалар жинағын шығаруды жоспарлап отыр.
Матенадаран ЮНЕСКО-ның Дүниежүзілік мұралар тізіміне енгізілген әрі армян халқының ұлттық ескерткіштері сақталған маңызды мекемелердің бірі саналады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript