Алматы БҚО-дағы су тасқынына қарсы күреске қай жағынан ат салысып жатыр
Сурет: Алматы қалалық әкімдігінің баспасөз қызметі
Алматы әкімдігіне бекітілген Бәйтерек ауданының 11 ауылынан басқа (Январцево, Красноармейский, Спартак, Рубежный, Озерный, Дарьинск, Володарское, Байқоңыс, Ақсуат, Көшім, Янайкино) ,сондай-ақ Жайық елдімекені де сеніп тапсырылды.
Қазір ауданда Алматы әкімдігі ұсынған 243 техника жұмылдырылған, 76 200 шаршы метр арнайы су өткізбейтін материал (геотекстиль) бар.
Сурет: Алматы қалалық әкімдігінің баспасөз қызметі
Жедел штаб қызметі басталғалы су тасқыны қаупі жоғары 6 кентте барлығы 23,5 шақырым бөгет салынды, су шайып кету қаупі бар аумақтарды нығайту бойынша жұмыстар жүргізіліп жатыр. Кей жерде Алматыдан келген мамандар жергілікті және орталық мемлекеттік органдардың бөгет салу кезінде жіберген технологиялық қателіктерін түзетті.
Сурет: Алматы қалалық әкімдігінің баспасөз қызметі
- Январцево ауылында ұзындығы 6,5 км, биіктігі 3-тен 4,5 м-ге дейінгі топырақтан бөгет тұрғызылды. Су толқынының ықтимал соққысы бағытында ұзындығы 600 м және биіктігі 6 м-ге дейін топырақтан бөгет тұрғызылды, құрылымның бүкіл еніне геотекстиль төсеу жалғасып жатыр. Жұмыс 90% аяқталды.
- Рубежинское ауылында ұзындығы 3 км, биіктігі 3-тен 5 м-ге дейінгі топырақтан бөгет салынды, бөгеттің шығыс және батыс бөліктерін қосу жұмыстары жүргізілуде, арақашықтық шамамен 800 м. Бөгетті нығайту жалғасып жатыр.
- Дарьинское ауылында кент бойында Нұрпейісова көшесі бойында ұзындығы 1,4 км, биіктігі 6 метрден, табанының ені 10 метр бөгет тұрғызылды. Бекініс үшін бөгеттің сырт жағына құм салынған қаптар төселген.
- Озерная көшесі бойында ұзындығы 1 км бөгетті нығайту жұмыстары жүргізіліп жатыр, сондай-ақ жағалау бойында ұзындығы 0,7 км бөгет салынып жатыр. Үш бөгеттің жалпы ұзындығы - 3,1 км.
- Володарское ауылында кент бойында ұзындығы шамамен 2,1 км, биіктігі 3-тен 5 м-ге дейінгі топырақтан бөгет тұрғызылды.
- Байқоңыр елдімекенінде ұзындығы шамамен 4 км, биіктігі 3-тен 4 м-ге дейінгі топырақтан бөгет тұрғызылды.
- Озерное ауылының шығыс жағынан ұзындығы шамамен 2,7 км, биіктігі 2-ден 4 м-ге дейін, табанының ені 4-тен 7 м-ге дейін, сөренің ені 2-ден 4,5 м-ге дейін топырақтан бөгет тұрғызылды.
Сурет: Алматы қалалық әкімдігінің баспасөз қызметі
Сонымен қатар, техника Орал қаласының маңында орналасқан Жайық елдімекеніне жіберілді. Бұл ауылда бұрын өздерінің күшімен ұзындығы 1,7 км, биіктігі 1-ден 1,5 м-ге дейінгі топырақтан бөгет тұрғызылған. Ауылды қорғауды күшейту үшін ұзындығы 3 км-ге дейін, биіктігі 2 м-ге дейін, ені 7 м-ге дейін, геотекстильді қолдана отырып, доғалы пішінді екінші топырақтан бөгет салу туралы шешім қабылданды.
Сурет: Алматы қалалық әкімдігінің баспасөз қызметі
Айта кететін нәрсе, жедел жағдайға байланысты арнайы техника басқа ауылдарға да жіберіледі.
Алматылық мамандардан құрылған жедел штаб өз жұмысын Батыс Қазақстан облысындағы жағдай қалыпқа келгенше жалғастырады.
