Қазақстанның екі өңірінде ірі су қоймалары 100%-ға толды

ҚР Су ресурстары және ирригация министрлігі 2024 жылдың 2 мамырындағы ағымдағы жағдай бойынша еліміздің су қоймаларындағы ахуал туралы айтты, деп хабарлайды Zakon.kz.

Ақпаратқа сәйкес, 100%-ға толған:

• Ақмола облысында екі ірі су қоймасы;
• Солтүстік Қазақстан облысындағы екі ірі су қоймасы.

Сондай ақ ведомствода еліміздің басқа өңірлеріндегі су қоймаларының жағдайы туралы деректер ұсынды:

• Қарағанды облысында үш ірі су қоймасы орта есеппен 98,6%-ға толы;
• Ақтөбе облысында екі ірі су қоймасының орташа су жинау көрсеткіші 97%;
• Қостанай облысында екі ірі су қоймасының орташа су жинау көрсеткіші 92%;
• БҚО-ның төрт ірі су қоймасы орта есеппен 88%-ға толды;
• Шығыс Қазақстан облысында екі ірі су қоймасының орташа су жинау көрсеткіші 82,4%;
• Абай облысында Шүлбі су қоймасы 39,8%-ға толды.

"Су қоймаларында жиналған су одан әрі ауылшаруашылығы мен өнеркәсіпте пайдалану үшін жіберіледі",- деп толықтырды ведомства баспасөз қызметі.

Оқи отырыңыз: Су тасқыны кезінде зардап шеккен қазақстандықтарға қандай мүлік өтеледі.