Ақтөбені қара түтінге бөккен алапат өрт сөндірілді

Ақтөбеде құрылыс материалдары сақталатын қоймадағы алапат өрт сөндірілді, деп хабарлайды Zakon.kz.

Бұл туралы ҚР ТЖМ баспасөз қызметі хабарлады.

"650 шаршы метр аумақты қамтыған өрт шамамен 1,5 сағатта сөндірілді", делінген төтеншеліктер хабарламасында.

Айта кетсек, 3 мамырда Ақтөбеде құрылыс материалдары сақталатын қойма өртенді. Жоғары дәрежелі өрт оқиғасы орнында Апаттар медицинасы орталығының құтқарушылары мен қызметкерлері де болды.