Жайық өзенінің суы қауіпті шектен асып, Махамбет ауданында эвакуациялық пункттер ұйымдастырылды

Жайық өзені, Интербор ауылы, Махамбет ауданы, су тасқыны, эвакуация, сурет - Zakon.kz жаңалық 05.05.2024 16:18

Сурет: Атырау облысының ТЖ жөніндегі жедел штабы

Атырау облысы, Махамбет ауданында Жайық өзеніндегі су деңгейінің тәулік сайын көтерілуіне байланысты 22 эвакуациялық пункт дайындалды, деп хабарлайды Zakon.kz.

Атырау облысының ТЖ жөніндегі жедел штабтың мәліметінше, Жайық өзеніндегі су қауіпті деңгейден асқан.

Жайық өзеніндегі су деңгейі бойынша 2024 жылғы 5 мамырда сағат 12.00-де тіркелген мәліметі (08.00-мен салыстырғанда):

Индербор ауылы: + 4 см, су деңгейі - 856 см, қауіпті деңгей - 845 см;
Махамбет ауылы: + 2 см, су деңгейі - 848 см, қауіпті деңгей - 850 с м;
Атырау қаласы: + 1 см, су деңгейі - 490 см, қауіпті деңгей - 550 см.
Жаңаталап ауылы: + 1 см, су деңгейі - 350 см, қауіпті деңгей - 500 см;
Еркінқала: + 1 см, су деңгейі - 310 см, қауіпті деңгей - 450 см.

"Махамбет ауданында елдімекендерді су басқан жағдайда 24 автобус, жеңіл автомобильдер мен газель бөлінді. Қосымша ұйымдар қызметкерлерінің және эвакуацияланатын халықтың жеке көлігі іске қосылатын болады. Қозғалыс схемасын жаяу ұйымдастыру үшін қозғалыс маршруттары анықталды", - деп хабарлады Төтенше жағдайлар жөніндегі жедел штаб.

Оқи отырыңыз