Санкт-Петербургте көпірден құлаған автобус: қаза тапқандар арасында Қазақстан тумасы да бар

Қайғылы оқиға, Санкт-Петербург, жолаушылар автобусы, өзен, көпір, сурет - Zakon.kz жаңалық 11.05.2024 10:50

Сурет: Риа Новости

Санкт-Петербург қаласында автобус көпір қоршауын бұзып, өзенге құлады. Жеті адам қаза тапты. Олардың арасында Көкшетау қаласының тумасы, 28 жастағы келіншек те бар, деп хабарлайды Zakon.kz.

Марина Санкт-Петербургтегі Васильевский аралының Косой линиясы көшесінде тұрған. Марқұм табиғи косметика сатумен айналысып, әлеуметтік желіде блог жүргізетін, арасында кішкентай ұлының да суреттерін үнемі жариялап отыратын.

Зардап шеккендер туралы ақпарат "Фонтанка" басылымында жарияланды. Тергеу комитетінің ресми мәліметтері бойынша, жеті адам қаза тапты. Ал жүргізуші ұсталып, одан күдікті ретінде жауап алынуда.

2024 жылдың 10 мамырында Санкт-Петербургте жол апаттан кейін жолаушылар автобусы көпір қоршауын бұзып, өзенге құлады.

Оқи отырыңыз