Су тасқынынан зардап шеккен үш өңірде жаңа тұрғын үй құрылысы қашан басталады

Жаңа баспана, тұрғын үй құрылысы, су тасқыны, Атырау облысы, Ақмола облысы, БҚО, сурет - Zakon.kz жаңалық 15.05.2024 19:14

Сурет: gov.kz

2024 жылы 15 мамырдағы мәлімет бойынша, елімізде 21 785 тұрғын үй су тасқынынан зардап шекті, оның ішінде 9 843 саяжай жалғыз тұрғын үй деп танылды. Өңірлерде тұрғын үйлерді салуды, жөндеу жұмыстарын және сатып алуды аяқтау бойынша жұмыстар жалғасуда, деп хабарлайды Zakon.kz.

ҚР Өнеркәсіп және құрылыс министрлігінің мәліметінше, бүгінгі күнге дейін жергілікті әкімдіктер жүргізіп үлгерген техникалық қадағалау нәтижесінде келтірілген залалды өтеу мақсатында комиссия 1 898 тұрғын үй объектілерін салу, жылжымайтын мүлік нарығында 4 059 тұрғын үй объектілерін сатып алу, 8 415 нысанды жөндеу туралы шешім қабылдады.

Тұрғын-үймен қамтамасыз етіледі:

Атырау облысы – құрылыс, жөндеу жұмыстарын аяқтау және тұрғын үйлерді сатып алу мерзімі - 2024 жылғы қыркүйек.
Ақмола облысы – құрылыс, жөндеу жұмыстарының аяқталу және тұрғын үйлерді сатып алу мерзімі - 2024 жылғы қазан.
БҚО – құрылыс және жөндеу жұмыстарының аяқталу мерзімі - 31 шілде, тұрғын үйлерді сатып алудың аяқталу мерзімі - 2024 жылғы 15 тамыз.

Министрлік жедел шешуді талап ететін мәселелерде әдістемелік көмек көрсету проблемаларын талқылау бойынша өңірлермен тұрақты негізде кеңестер өткізуде.

"Әкімдіктердің ұсыныстарының қорытындысы бойынша Үкіметтің кейбір шешімдеріне түзетулер жасалды. Құрылыс-жөндеу жұмыстарын уақтылы аяқтау үшін әрбір объектіде құрылыс жұмыстарының басталуын қамтамасыз ету үшін еңбек және материалдық (жабдық) ресурстарын жұмылдыруды және бригадаға 3 объектіден аспайтын мөлшерде жөндеу жұмыстарын жүргізуді қамтамасыз ету қажет. Еңбек ресурстарының бар-жоғын егжей-тегжейлі мониторингті Битрикс жүйесі арқылы да қадағалау жоспарлануда", делінген хабарламада.

Оқи отырыңыз