Қарағанды облысында су тасқынынан зардап шеккен барлық отбасының шығыны толықтай өтелді
Сурет: primeminister.kz
Қарағанды облысында су тасқынынан 60 үй зардап шекті. Олардың барлығының шығындары өтелді, деп хабарлайды Zakon.kz.
12 сәуірде республикалық ақпараттық штабта өткен брифинг барысында облыс әкімінің орынбасары Бауыржан Асанов су тасқынынан зардап шеккен 60 отбасыға 100 АЕК мөлшерінде біржолғы әлеуметтік көмек төленгенін, сонымен қатар, бүлінген жеке мүліктердің өтемақысы толығымен өтелгенін, шығынға ұшыраған малдың орны да толтырылғанын айтты.
"Аккредиттелген ұйым су басқан объектілерге бағалау және техникалық тексеру жүргізді. Қазірдің өзінде барлық тұрғын үй мен мүлікке қорытынды берілді. Үш ауылдағы алты үй апатты деп танылған болатын. Бес отбасына осы ауылдарда тұрғын үй сатып алынды, әзірге бір отбасы қоныстанды. Сондай-ақ, бір үй жаңадан салынады. Құрылысқа жер учаскесін таңдау актісі жүргізілді. Үйдің құрылысы келесі аптада басталады", - деді Бауыржан Асанов.
Оның айтуынша, қалған 54 үй жөндеуден өтеді. Бұл жұмыстарды өздері жүргізгісі келетінін білдіргендіктен, тұрғындарға осы мақсатта өтемақы төленді.
"Облыста су тасқыны салдарын жою жұмыстары жалғасуда және тұрақты бақылауда", — деді ол.
Айта кетсек, ҚР Қаржы министрлігі су тасқыны кезінде зардап шеккендерге өтемақы төлемдері қалай жүргізілгенін түсіндіріп берген болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Тәулік
Апта
Ай
Жыл
Ақтөбе облысының прокуратурасы бюджет қаражатының заңсыз жұмсалғанын анықтады
Үлкен суға дайындық: Орал мен Атырауда не болып жатқанын онлайн режимде көруге болады
БҰҰ Қазақстанның тұрмыстық зорлық-зомбылық туралы заңды қабылдауына қатысты үн қатты
15 сәуір - Қозы Көрпеш-Баян сұлу күні: мөлдір махаббат тарихы