Алматыда алаяқтар пәтер уәде етіп, 150 адамды алдаған
Сурет: Zakon.kz
Алматы қаласы Алмалы аудандық сотында аса ірі мөлшердегі алаяқтық дерегі бойынша қылмыстық іс қаралды.
Сотталушылардың саны 7, оларға ҚК-тің 190-бабы 4-бөлігі 2-тармағы бойынша айып тағылған.
Сотталушы К., ЖШС директоры бола тұра, салынып жатқан екі тұрғын үй кешенінде тұрғын үйге сатып алушыларды тарту мақсатында алты сыбайласымен қылмыстық келісімге келген. Алайда, құрылыс салушының үлескерлерден ақша тартуға рұқсаты болмағандықтан, оларға пәтерлерді сату мүмкіндігі анықталмаған.
Сотталушы жұбайлар К. және Ж. түскен ақшалай қаражатқа Алматы қаласында жер телімін сатып алып, тұрғын үй кешенін салу сылтауымен үлескерлерді тартқан, дегенмен, бастапқыда бұл тұрғын үй кешенін салу олардың жоспарларына кірмеген.
Сотта сотталушылар алаяқтық жасаған кінәсін мойындамады. Олар пәтерлерді салғысы келгенін айтып алға тартты.
Сот, сотталушылар К., Ж., М., Р., Ш., Е., Н. ҚК-нің 2-тармағының 190-бабы 4-бөлігі бойынша кінәлі деп тауып, оларға 5 жылдан 6 жыл 8 айға дейін бас бостандығынан айыру түріндегі жазаны тағайындады және жәбірленушінің азаматтық талабын қанағаттандырды.
Сотталушылар залалды толығымен өтеді.
Сот үкімі заңды күшіне енген жоқ.
