Будақтаған қара түтін Алматы қаласы тұрғындарын шошытып жіберді

Алматыда Әуезов ауданы көгінде будақтаған қара түтін қалалықтардың дегбірін қашырды. Оқиға орнына өрт сөндірушілер атанды, деп хабарлайды Zakon.kz.

Алматы қалалық ТЖД баспасөз қызметінің хабарлауынша, өрт сөндіру бригадасы 8 маусымда түсте Момышұлы көшесі, 11/1 мекенжайына шақырту бойынша атанды. 20 шаршы метр аумақты шарпыған 40 тонналық контейнерде пеноплекстер өртенген. 

"Өрт сағат 12:09-да ауыздықталып, 12:12-де толығымен сөндірілді. Өртті сөндіруге қалалық ТЖД-ның жеке құрамынан 16 қызметкер және үш дана техника жұмылдырылды". Алматы қаласы ТЖД баспасөз қызметі