Ерболат Досаев Алматы қаласы бойынша ҚХА сессиясына қатысты
Сурет: Алматы қаласы әкімдігінің баспасөз қызметі
Алматы қаласы бойынша Қазақстан халқы Ассамблеясының XXVI сессиясы республикалық Достық үйінде өтті. Іс-шара барысында Ассамблея қызметінің қорытындылары шығарылып, алдағы кезеңге арналған перспективалық міндеттер айқындалды.
Сессия жұмысына Алматы әкімі, Алматы ҚХА Төрағасы Ерболат Досаев, әкімнің орынбасары Бейбіт Шаханов, ҚХА мүшелері, ҚХА қоғамдық құрылымдарының басшылары, Алматы мәслихатының төрағасы мен депутаттары, басқарма басшылары мен аудан әкімдері қатысты.
Сурет: Алматы қаласы әкімдігінің баспасөз қызметі
Қала әкімі Ерболат Досаев құттықтау сөз сөйледі. Мегаполис басшысы осы сессияның жұмысы Қазақстан Республикасының Президенті – ҚХА Төрағасы Қасым-Жомарт Тоқаевтың тапсырмаларын іске асыруға бағытталатынын атап өтті.
Әкімнің орынбасары Бейбіт Шаханов баяндағандай, 2024 жылдың басынан бері Ассамблеяның этномәдени бірлестіктерінің қатысуымен жалпы сомасы 43 млн.теңгеден астам сомаға 2 мыңнан астам адам мен 237 отбасын қамтитын 46 қайырымдылық іс-шара өткізілді.
Сурет: Алматы қаласы әкімдігінің баспасөз қызметі
Әкім орынбасарының айтуынша, этномәдени бірлестіктердің еріктілері су тасқынынан зардап шеккендерге 60 млн.теңгеден астам сомаға гуманитарлық көмек жинауға және жеткізуге белсенді қатысты.
"Мемлекет басшысының алға қойған міндеттеріне сүйене отырып, түзетулер енгізу, қалалық Ассамблея қызметіндегі тәсілдерді өзгерту және бастамаларымыз бен бағдарламаларымызды тиімді іске асыруға назар аудару қажет", - деді Ерболат Досаев.
Сурет: Алматы қаласы әкімдігінің баспасөз қызметі
Мегаполис басшысы Қазақстан халқы Ассамблеясының жұмысына жаңа серпін бере алатынын, осыған байланысты жас көшбасшыларды қолдау қажет екенін айтты.
XXVI сессияның соңында мегаполис әкімі Мемлекет Басшысы қойған міндеттерді тиімді іске асыру Ассамблеяны одан әрі дамыту үшін қажетті жағдайлар жасауға мүмкіндік беретінін және оның Алматыдағы қоғамдық келісім мен жалпыұлттық бірлікті қамтамасыз етудегі рөлін арттыруға ықпал ететінін атап өтті.
