Ақмола облысында көппәтерлі тұрғын үйдегі пәтерде қамалып қалған қыз терезеден секірген

Степногорск қаласында көппәтерлі тұрғын үйдің пәтерлерінің бірінде қамалып қалған қыз сыртқа терезеден шықпақшы болған. Ол үйдің подъезінің шатырына секіріп, аяғын жарақаттап алған, деп хабарлайды Zakon.kz.

Ақмола облысы ТЖД баспасөз қызметінің хабарлауынша, оған құтқарушылар мен дәрігерлер көмекке келді. Зардап шегушіге алғашқы медициналық көмек көрсетіліп, құтқарушылар оны төмен түсірді.

"Қыздың мұндай әрекетке бару себебін қалалық полиция басқармасы анықтауда", делінген хабарламада.