Өтініштерді электронды формада қабылдайтын "Е-Otinish" сайты істемей тұр

"Е-Otinish" электрондық өтініштер сайтында ақаулар пайда болды. Қазіргі уақытта аталған сайттың жұмысын қалпына келтіру жұмыстары жүргізіліп жатыр, деп хабарлайды Zakon.kz.

"Ұлттық ақпараттық технологиялар" АҚ баспасөз қызметінің хабарлауынша, қазіргі уақытта "Е-Otinish" электрондық өтініштер сайтының қызметтерінің дұрыс істемеуі байқалады.

"Аталған сайттың жұмысын қалпына келтіру жұмыстары жүргізіліп жатыр. Жақын арада жұмысқа қабілеттілікті қалпына келтіру күтілуде. Уақытша қолайсыздықтар үшін кешірім сұраймыз", делінген хабарламада.