Семейде нөсер жаңбыр жауып, көшелерді су басты

Семейде 2024 жылдың 4 шілдесінде нөсер жаңбыр жауып, көшелерді су басты. Қалалық әкімдік көшені судан тазалау жұмыстарына қанша арнайы техника жұмылдырылғанын айтты, деп хабарлайды Zakon.kz.

Ведомство жаңбыр суын айдау жұмыстары тәулік бойы жүргізіліп жатқанын атап өтті.

"Қазіргі уақытта суды тазартуда 10 бірлік вакуумдық ассенизатор машиналары жұмыс істеп жатыр. Сондай-ақ, кәріз суларын қабылдау құдықтарын тазартуға лай сорғыш және өзге арнайы техникалар тартылған", деп нақтылайды Семей қаласының әкімдігі.

Сондай-ақ қала билігі су басқан көшелердің видеосымен бөлісті.