Офицер құмар ойынындағы бәстен жеңіліп, әскери бөлімнің мүлкін ломбардқа өткізген

Сурет: unsplash

Семей гарнизонының әскери соты өзіне сеніп тапсырылған басқа біреудің мүлкін жымқырды деп айыпталған офицерге қатысты қылмыстық істі қарады, деп хабарлайды Zakon.kz.

Қылмыстық іс материалдарынан анықталғандай, штабтың топографиялық қызметінің басшысы қызметтік бабын асыра пайдаланып, топографиялық құралдарды ломбардқа қойған. Оның бұл әрекетке бару себебі, букмекерлік сайттағы бәстен жеңілуі.

"Ол әскери бөлімнің мүлкі үшін екі миллион теңгеге жуық ақша алған. Сот үкімімен сотталушы Қылмыстық кодекстің 189-бабы 3-бөлігінің 2-тармағы бойынша кінәлі деп танылды. Оған екі жыл алты ай мерзімге бас бостандығынан айыру жазасы тағайындалды",- деді сот.

Сондай-ақ ол "капитан" әскери атағынан айырылды. Одан материалдық залал және мемлекет кірісіне мемлекеттік баж өндірілді.

Сот үкімі заңды күшіне енген жоқ.

Оқи отырыңыз