Астанада 400-ден астам табиғи полигондар анықталды
Сурет: Zakon.kz
Астанадағы қоқыс үйінділері ғарыштан көруге болатындай деңгейге жетті. Ғарыш мониторингі қызметкерлері Астанада күннен-күнге қоқыс төгетін орындар көбейіп келе жатқандығын айтып дабыл қағуда, деп хабарлайды Zakon.kz.
KTK ақпаратынша, елорда аудандарының бірінде ғана стихиялық қоқыс үйінділерінің саны бір жылда екі есеге жуық өсті. Әкімдік өкілдері олардың белсенді құрылыс аумақтарында жиі кездесетінін түсіндіреді. Құрылыс компаниялары қоқыстарды жақын маңдағы бос жерлерге шығарады, дейді олар.
Тек биылғы жылдың өзінде Астанада 400-ден астам табиғи полигондар анықталды.
"Алматы ауданы бойынша рұқсат етілмеген 106 қоқыс орны анықталды. Оның 61-і тазартылып, 26 мың тоннадан астам қоқыс шығарылды",-деді Астана қаласы Алматы ауданы әкімдігінің өндірістік-техникалық бөлімінің бас маманы Нұрберген Нұрмұхамбет.
Оның айтуынша, мұндай жағдайдың себептері жүргізушілердің тәртіпсіздігі және экологияға, сондай-ақ қаланың келбетіне орны толмас зиян келтіретін жосықсыз құрылыс ұйымдары болып табылады.
Айта кетейік, 15 шілдеде Алматыда қоқысты сұрыптау кезінде жаңа туған нәрестенің мәйіті табылды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
