Жаңалықтар тізбегі
0

Ақтөбедегі ломбардта қарақшылар ұсталды

Полиция, погоны, полицейский, сотрудник полиции, сурет - Zakon.kz жаңалық 14.08.2024 12:18 Фото: polisia.kz
Ломбард қызметкерлері ұялы телефонын өткізуге алып келген құрбанның келісімімен полиция шақырды, деп хабарлайды Zakon.kz.

Ақтөбедегі түнгі клубтардың бірінде Хромтаулық екі дос демалыс барысында, тағы бір демалушыны қорқытып телефонын тартып алған. Артынша, несие рәсімдемек болған, осы кезде жәбірленуші ұялы телефонын алып қашқан. Ұзап кетпей қарақшылар оны ұстап алып, ломбардқа телефонын өткізіп, ақшасын алуға алып келген.

Ломбардтың қырағы қызметкері істің шикілігін байқап, қағаздағы "102?" деген жазуды көрсеткен. Жігіттің келісімінен кейін, полицияға қоңырау шалып, олардың келуін күтіп, телефонды ұзақ уақыт бойы рәсімдеген.

Оның жедел әрекеттерінің арқасында қылмыскерлер ұсталды. Екеуінің де тұрақты жұмысы бар екені анықталды: бірі жеке компанияда құтқарушы, екіншісі тау – кен жұмысшысы. Екеуі де кінәларын толық мойындап, куәлік беруден бас тартты.

"Диапазон" Telegram арнасының ақпаратынша, олардың іс-әрекеті тонауға оқталу бабы бойынша бағаланды.

Жәбірленуші айыпталушыларды кешіріп, оларды бас бостандығынан айырмауды сұрады. Сот екеуін де 3,5 жылға бас бостандығынан айырды. Осы мерзім ішінде оларға ойын-сауық орындарына баруға тыйым салынды. Енді олар жұмыстан кейін тек үйлерінде болуы керек.

Бір күн бұрын Ақтөбеде қатты жауған жаңбырдың салдарынан жедел жәрдем көлігі балшыққа батып қалды.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: