Қытайдан Қазақстанға өткізілмек болған қауіпті көшеттер партиясы кері қайтарылды
Сурет: gov.kz
Қазақстан фитосанитарлық талаптарға сай келмейтін сәндік ағаш көшеттерін елге кіргізбей, Қытай Халық Республикасына кері қайтарды, деп хабарлайды Zakon.kz.
Бұл ақпаратпен ҚР АШМ Агроөнеркәсіптік кешендегі мемлекеттік инспекция комитетінің баспасөз қызметі бөлісті.
"2024 жылдың 9 қыркүйегінде "Қорғас" ФББ-де тамырындағы топырағы рұқсат етілген нормадан 0,1%-дан асатын көшет партиясы анықталды. Аталған заңбұзушылыққа байланысты өнім иесіне "Өсімдіктер карантині туралы" Заң мен Әкімшілік құқық бұзушылық туралы кодексіне сәйкес әкімшілік хаттама толтырылып, бүкіл партия ҚХР-ға кері қайтарылды". ҚР АШМ Агроөнеркәсіптік кешендегі мемлекеттік инспекция комитетінің баспасөз қызметі
Қазақстан Республикасының заңнамасына сәйкес, отырғызу материалдары топырақтан таза болуы керек, өйткені ол карантиндік объектілердің әлеуетті тасымалдаушысы бола алады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
