Шахтинск қаласында жоғалып кеткен 83 жастағы кейуана табылды

Қарағанды облысында 1941 жылы туған әйел 10-11 қыркүйек аралығында, бір тәулік бойы іздестірілді, деп хабарлайды Zakon.kz.

Қарағанды ТЖД мәліметінше, іздеу шараларына:

• 5 құтқарушы,
• кинологиялық есеп,
• ұшқышсыз ұшу аппараты,
• ТЖД техникасының 4 бірлігі,
• ПД бір бірлік техникасы,
• ПД жеке құрамның 3 адамы қатысты. 

9 қыркүйекте құрбысының үйінен шығып, із-түзсіз жоғалған әйелді құтқару жасағының құтқарушылары квадроцикл көлігімен жоғалған жерден небәрі 4 шақырым жерден тапты.

Сәтті операция іздестіру-құтқару жұмыстарының заманауи әдістерінің тиімділігін растайды.