Қазақстан ТЖМ құтқарушылары жанып жатқан көлікті сөндірді

Оқыс оқиға Павлодар қаласы Ткачев көшесі бойында ашық аумақта орын алған, деп хабарлайды Zakon.kz.

Өрт сөндірушілер оқиға орнына дер кезінде жетіп, жанып жатқан көлікті сөндірді.

Зардап шеккендер жоқ.

Сурет: ҚР ТЖМ баспасөз қызметі

ТЖМ азаматтарды сақ болуға сондай-ақ, жол көлігінде төтенше жағдай туындаған жағдайда 112 нөміріне қоңырау шалуға шақырады.

Бұған дейін қарағандық құтқарушылардың 84 жастағы кейуананы аман алып қалғаны хабарланған болатын.