Ақмола облысында астық қоймасындағы ірі екі өрт ошағы сөндірілді

Ақмола облысы ТЖД қызметкерлері өңірдегі астық қоймасындағы ірі екі өрт ошағын сөндірді, деп хабарлайды Zakon.kz.

Алғашқы жағдай 20 желтоқсанда кешкісін Целиноград ауданы Ақмол ауылында астық кептіру агрегатында болды. Онда тұқымдар отқа оранған.

"Оқиға орнынан шұғыл жеткен өрт сөндіру бөлімшелері отпен күресіп, өрттің таралуына жол бермей, оны 50 шаршы метр алаңда сөндірді", делінген Ақмола облысы ТЖД хабарламасында.

Сурет: ҚР ТЖМ баспасөз қызметі

Екінші өрт 21 желтоқсанда түнде болды. Бұл ретте Ақкөл ауданының Ақкөл қаласында элеватор аумағында астық кептіру жабдықтарының бірінен от шыққан. 48 шаршы метр алаңда ыстық ауа ағынының нәтижесінде күнбағыс тұқымдарының өртенген. 

Сурет: ҚР ТЖМ баспасөз қызметі

"Өрт сөндірушілердің жедел және үйлесімді әрекеттерінің арқасында, құрылғыдан тыс жанудың таралуына жол берілмеді өрт толығымен жойылды. Қазіргі уақытта өртті жоюға Ақкөл ауданының азаматтық қорғау гарнизонының, жергілікті атқарушы органдардың, 55209 ә/б және мемлекеттік емес өртке қарсы қызметтің күштері мен құралдары қатысады", - дейді төтеншеліктер.

Зардап шеккендер жоқ. Өрттің шығу себебі анықталуда.