Түркістандық полицейлер боранды күні жолда қалған 60 көлікке көмек көрсетті

Түркістан облысында полиция боранды күні таулы аумақта жолда қалған 60 көлікке көмек көрсетті, деп хабарлайды Zakon.kz.

Созақ ауданы Екпінді-Бірлік тас жолында жол жиегіне шығып кеткен DAF маркалы ауыр жүк көліктерін полиция қызметкерлері қауіпсіз орынға шығаруға көмектесті.

"Түркістан облысының полициясы жалпы 23 жеңіл көлік пен 37 жүк көлігіне көмектесті",- делінген ақпаратта.

Кейбірінде сақшылар ұзақ жолдан келе жатқан ауыр жүк көліктерінің жүргізушілеріне ыстық шәй мен тағам жеткізіп берді.

Бұған дейін ШҚО-да маңызы бар автожолдардың бірі жабылғаны хабарланған болатын.