Түркістан облысында бірден үш жүкті әйелге көмек көрсетілді

ТЖМ қызметкерлері жедел медициналық жәрдем бригадасына көмектесті, деп хабарлайды Zakon.kz.

112 пультіне жедел медициналық жәрдем станциясының операторынан Түркістан облысы Бәйдібек ауданының Байдібек ата ауылынан 3 жүкті әйелді тасымалдауға көмек қажет екендігі туралы хабарлама келіп түскен.

Қатты жел мен көктайғаққа байланысты жедел жәрдем көлігіне жүру қиынға соққандықтан, құтқарушылар екі медициналық қызметкерлерді ала отырып өтімділігі жоғары техникамен жолға шыққан.

Шақыру орнына жеткен құтқарушылар болашақ аналарды жақындарымен бірге жолдың қауіпсіз бөлігінде күтіп тұрған жедел медициналық жәрдем бригадасына жеткізіп, дәрігерлерге аман-есен табыстады.

Бұған дейін Қызылорда облысында боранды күні жоғалған бақташы табылғандығы хабарланған болатын.