Алматы қалалық ТЖД көктем алдында мореналық көлдерге көктен шолу жүргізуді

Алматы қалалық Төтенше жағдайлар департаменті (ТЖД) "Қазселденқорғау" ММ-мен бірлесе отырып, 15 ақпанда Іле-Алатау жотасының орталық бөлігіндегі мұздық және мореналық көлдерге, сондай-ақ қар көшкіні қаупі бар учаскелерге аэровизуалды тексеру жүргізді, деп хабарлайды Zakon.kz.

Мониторинг Үлкен Алматы және Түрген өзендерінің бассейндерін қамтыды және көктемгі қардың еруі кезеңі қарсаңында су айдындарының жай-күйін бағалауға және ықтимал қауіптердің алдын алуға бағытталған.

Зерттеу нәтижелері бойынша морена көлдерінің қысқы режимде екендігі анықталды, стационарлық көлдердегі су деңгейі минималды деңгейде, ал стационарлық емес су объектілері іс жүзінде бос жатыр.

Сурет: Алматы қалалық ТЖД

Алматы қалалық ТЖД халықтың қауіпсіздігін және қалалық инфрақұрылымды қамтамасыз ету үшін табиғи объектілердің мониторингін жүргізуді алда да жалғастыратын болады.

Бұған дейін синоптиктер алдағы жексенбі, 2025 жылы 16 ақпанда республикамыз бойынша ауа райы қандай болатынын айтқан болатын.