Қазақстан мен Словения президенттері қандай құжаттарға қол қойды

Қазақстан мен Словения президенттері Бірлескен мәлімдеме қабылдады, деп хабарлайды Zakon.kz.

Ақорда таратқан мәліметке сүйенсек, келіссөздер қорытындысы бойынша президенттер Бірлескен мәлімдеме қабылдады.

Ресми делегация мүшелері төмендегідей құжаттарға қол қойды:

1. Қазақстан Республикасы Ғылым және жоғары білім министрлігі мен Словения Республикасы Жоғары білім, ғылым және инновация министрлігі арасындағы білім және ғылым саласы бойынша өзара түсіністік туралы меморандум;
2. Қазақстан Республикасы Туризм және спорт министрлігі мен Словения Республикасы Экономика, туризм және спорт министрлігі арасындағы туризм саласы бойынша ынтымақтастық жөніндегі өзара түсіністік туралы меморандум;
3. Қазақстанның Сыртқы сауда палатасы мен Словенияның Сауда-өнеркәсіп палатасы арасындағы өзара түсіністік туралы меморандум.

Айта кетсек, 2025 жылғы 31 наурызда Ақорда резиденциясында Қазақстанға ресми сапармен келген Словения Президенті Наташа Пирц-Мусарды салтанатты түрде қарсы алу рәсімі өтті. Онда президенттер бір-біріне делегация мүшелерін таныстырды. Артынша, Қасым-Жомарт Тоқаев пен Наташа Пирц-Мусар шағын құрамда келіссөз жүргізді. Ізі суымай екі елдің ресми делегация мүшелерінің қатысуымен кеңейтілген құрамда келіссөз өтті. Онда Наташа Пирц-Мусар Астанада қонақжайлық көрсеткені үшін Қасым-Жомарт Тоқаевқа алғыс айтты.